Kursimi i energjisë, Balluku e Kushi në shkolla për sensibilizimin e fëmijëve

Me qëllim kursimin e energjisë elektrike, qeveria ka nisur një tur takimesh me fëmijët për t’i sensibilizuar ata në përdorimin e duhur të energjisë.

Takimi i parë u zhvillua në shkollën “Lasgush Poradeci” ku të pranishme ishin zv.kryeministrja dhe njëherësh ministrja e Energjisë, Belinda Balluku, si dhe ministrja e Arsimit, Evis Kushi.

Pasi Balluku u shpjegoi fëmijëve procesin e prodhimit të energjisë, u kërkoi atyre që të bëhen zëdhënës të kursimit të energjisë, ku dijet që do të marrin gjatë kësaj fushate do t’i transmetojnë tek prindërit.

Nga 1 tetori do të rritet kostoja e energjisë elektrike për familjet që harxhojnë më shumë se 800 kwh. Për të gjithë ata që do të kalojnë këtë shifër, do të paguajnë me çmimin e tregut.

LEXONI GJITHASHTU:

• Qymyr për Serbinë dhe RMV, Balluku: Përfitojmë një pjesë nga energjia e prodhuar
• Energjia elektrike, Lapaj: Me skemën e re, kemi çmimin më të lartë në rajon