Balla- Berishës: Kur flet ti për korrupsionin, njësoj si djalli për mëkatet

Kreu i Grupit  Parlamentar të PS, Taulant Balla i është përgjigjur kreut të PD-së Sali Berisha, i cili kërkoi hetim ndërkombëtar nga Komisioni Evropian, për aferat korruptive në vendin tonë.

Nga foltorja e Kuvendit, Balla me ironi tha se kur dëgjon Berishën të flasë për korrupsionin është njëlloj si të dëgjosh djallin të flasë për mëkatet.

“Ik plaku mere me gjithë tespie. Kur dëgjon Saliun të flasë për korrupsionin është njëlloj sikur të dëgjosh djallin të flasë për mëkatet. E vërteta është që sot humbi një tjetër mundësi që të fillojë të tregojë mëkatet e veta.”- shprehet Balla.

Gjatë fjalës së tij në seancën në Kuvend, Berisha u shpreh se në këto kulla është bashkëpronar kryeministri Edi Rama.

“Indeksi i ndërtimeve në Shqipëri është mesatarisht tre herë më i lartë sesa në çdo vend të Bashkimit Evropian. Çmimet në Shqipëri jo që nuk janë ulur, por qëndrojnë në vendin e tretë më të lartë në Evropë. Droga dhe lumenjtë e drogës po e rrënojnë këtë vend. Punësimi u rrit vetëm 0.5%, pra çfarë janë këto kulla? Janë mullarë gjidandë të drogës, të Edi Ramës.

I bëj thirrje Komisionit Evropian të hetojë në të gjitha anët, sepse Tirana gumëzhin se në kulla është bashkëpronar Edi Rama. Një hetim ndërkombëtar, do ishte jashtëzakonisht e çmuar për shqiptarët”, theksoi kryedemokrati.

LEXONI GJITHASHTU:

• Berisha thirrje KE-së: Hetoni kullat në Tiranë, Rama është bashkëpronar
• Gjiknuri: Të evitojmë financimet e jashtëligjshme, rrezik për interesat kombëtare
• ‘Financimet e dyshimta nga Rusia e Kina’, Tabaku zbulon detaje nga takimi me Kim