Ku ndryshon shpallja non-grata nga financimet ruse në PD, sipas Berishës

Kryetari i Partisë Demokratike, Sali Berisha thotë se shpallja e tij non-grata nga SHBA-të dhe rasti i financimit rus për këtë forcë politike kur Lulzim Basha ishte në krye, janë të ndryshme.

Në një deklaratë për mediat nga selia blu, Berisha u shpreh se ai u shpall non-grata pa asnjë dokument apo fakt, ndërsa për financimet ruse po flitet për emra konkretë dhe kompani që kanë kryer transaksione.

“Në rastin tim është ndryshe. Deri tani një vendim si në materia pas asnjë akt dokument. Ju nuk keni parë, jeni dëshmitar që nuk keni parë qoftë edhe një fakt. Unë kam thënë që fakti i parë që do paraqitet unë marr vendim. Por kam thënë edhe 100 vite po të kërkojnë nuk do të gjejnë një të vetëm.

Në këte rast flitet për personazhe ruse me emra, për binjatën, kompani ruse në Skoci, për fonde 500 mijë dollarë, për një dosje të mbyllur nga Rama me mashtrime, janë kaq shumë dokumente që nuk ka përgjigje. Ka mbyllje të një dosjeje pa hetim. Kryetari e dinte, por u mor peng nga Rama. E kam pyetur, a i ke zbatuar rregullat e transaksioneve, plotësisht tha”, theksoi kryedemokrati.

LEXONI GJITHASHTU

• Berisha kërkon hetim ndaj Bashës: Të largohet çdo dyshim që lidh PD-në me fonde ruse
• Financimet ruse, Berisha: Basha më tha se ishin fonde nga diaspora, e besova