Priten 2 ditë probleme me furnizimin me ujë në Durrës

Ujësjellës Kanalizime Rajoni Durrës, njofton abonentët se mund të ketë problem në furnizimin me ujë gjatë dy ditëve të ardhshme.

Si pasojë e situatës emergjente, gjatë ditës së sotme dhe nesër, do të ketë reduktim të orarit të furnizimit me ujë për të gjithë bashkinë e Durrësit dhe zonat rurale.

Mëngjesin e të shtunës, moti i keq dhe shkarkimet e shumta shkaktuan një defekt në zonën e Fushë Milotit.

Për shkak të këtyre shkarkimeve, transformatori kryesor i tensionit 35/20 kv është dëmtuar dhe i gjithë stacioni është jashtë kushteve të punës, thuhet në njoftim.

Po punohet ndërkohë për të zëvendësuar transformatorin e djegur.

LEXONI GJITHASHTU:

• Kursimi i energjisë elektrike, qeveria greke nxit reduktim në mënyrë vullnetare