‘Ishin 12 burra veshur me të zeza’, gazetari tregon si ndodhi sulmi në Beograd

Gazetari dhe aktivisti Isa Myzyraj thotë se 10 aktivistë shqiptarë LGBT+ që morën pjesë në Paradën e Krenarisë në Beograd janë sulmuar dhe dhunuar nga një grup ekstremistësh.

Në një intervistë për Euronews Albania Myzyraj tregoi se ishin një grup prej 10-12 personash të veshur me të zeza që u kishin zënë rrugën përpara se të futeshin në hotel dhe i kishin dhunuar me grushte e shkelma.

“Kanë sulmuar një djalë, më pas kanë ndërhyrë 3 vajza që janë dhunuar me shkelma dhe me grushte. Vetëm 10 metra më tutje ka qenë policia që nuk ndërhyrë, edhe pse e panë të gjithë sulmin. Është dashur që 4 aktiviste të shkojnë të bërtasin para policisë që ata të ndërhyjnë për t’i larguar, por jo për t’i arrestuar”, tregoi gazetari.

Ai u shpreh i indinjuar për indiferencën e  ambasadës shqiptare në Beograd, që siç tha nuk ka pasur asnjë kontakt me grupin e aktivistëve për t’u interesuar për gjendjen e tyre.

LEXONI GJITHASHTU:

• Dhunohen nga ekstremistët në Beograd aktivistët shqiptarë LGBT+
• Ekstremistët përplasen dhunshëm me policinë, 60 të arrestuar gjatë Europride Serbi