Tare: Drejtori i klubit Partizani u emërua shef i kabinetit të Fatmir Mediut

Ish-drejtori i klubit sportiv Partizani, Isa Tare thotë se u largua nga drejtimi i skuadrës kryeqytetase, për shkak se ishte kundër privatizimit të truallit.

Në një intervistë për “Euronews Albania”, Tare u shpreh se pasi e larguan, në vend të tij vunë një person që e mbajti postin për 3 muaj dhe më pas e dorëzoi klubin.

Tare shtoi se ky person u shpërblye duke u emëruar shef kabineti të Fatmir Mediut, ministrit të Mjesidit në atë kohë.

“Unë kam qenë një pengesë kryesore, duhej patjetër që të hiqesha unë që të operohej më tutje. Gjatë kohës që kam qenë unë kanë bërë përpjekje, por unë nuk i kam lejuar. Donin ta eleminonin klubin, ta bllokonin klubin. Me mua u morën, në rrugë shoferi im më takon në rrugë, më jep një letër ku thuhej se unë kisha dalë në pension. Sa u largova unë, sollën një shef klubi, i cili u tregua i gatshëm që të dorëzonte klubin.

Pas 3 mujash që qëndroi shef klubi, bëri një deklaratë ku tha se për arsye shëndetësore do jepte dorëheqjen. Sa dha dorëheqjen ai, ndërhynë ata dhe morën klubin. Nga i sëmurë, ata e kaluan shef kabineti të Fatmir Mediut, ministrit të Mjesidit në atë kohë. E ngritën në post meqë dorëzoi klubin”, theksoi ai.

Ish-ministri i Mbrojtjes, Fatmir Mediu është thirrur këtë të mërkurë si deklarues për hetimin që ka nisur për privatizimin e ish-kompleksit “Partizani”, privatizim i kryer në kohën kur ai ishte ministër.

Kallëzimi për aferën e privatizimit të ish-kompleksit “Partizani” ku është ndërtuar një kompleksh pallatesh, është bërë nga kryetari i Grupit Parlamentar të Partisë Socialiste, Taulant Balla.

LEXONI GJITHASHTU

• Arben Imami firmosi për privatizimin e kompleksit Partizani, thotë ish-drejtori
• Ish-drejtori i klubit Partizani: Privatizimi u bë me ndërhyrjen e Sali Berishës
• ‘U thirra për një hetim’, Fatmir Mediu flet pas marrjes në pyetje nga SPAK