Gazment Bardhi thirrje presidentit: Mblidh Këshillin e Sigurisë Kombëtare

Në një kohë kur në skenën politike e mediatike mbizotërojnë diskutimet mbi rrjedhjen e të dhënave prej hakerave iranianë, deputeti PD-së Gazment Bardhi thotë se presidenti Bajram Begaj duhet të mbledhë Këshillin e Sigurisë Kombëtare.

Në një interviste për Euronews Albania, Bardhi thotë se sulmet kibernetike po cenojnë sigurinë kombëtare të vendit.

“Nëpërmjet televizionit tuaj apeloj presidentin të kthehet në detyrë të zbatojë kompetencat e tij kushtetuese dhe të thërrasë mbledhjen e Këshillit të Sigurisë Kombëtare. Është e papranueshme që ka një pretendim ndoshta të certifikuar nga institucionet  drejtësisë që rrjedhja e këtyre të dhënave cenon sigurinë kombëtare dhe kreu i shtetit nuk ka reagim publik dhe nuk ka ndërmarrë reagime institicionale”, tha deputeti demokrat.

Sa i përket lajmeve se në kohën kur PD drejtohej nga Lulzim Basha, financohej nga Rusia, dhe një plani të mundshëm për atentat ndaj ish-kreut të demokratëve në 2017-ën, Bardhi i cilësoi si histori të vjetra për të cilat nuk ka prova.

Policinë e Shtetit, deputeti i PD e cilësoi si të inkriminuar dhe aneks të Partisë Socialiste.

LEXONI GJITHASHTU:

• Kush mban përgjegjësi? Noka: Të jepen shpjegimet për sulmet kibernetike
• Sulmet kibernetike, Kim: Disa keqdashës u përpoqën të minojnë demokracinë