Dy presidentë të Shqipërisë u shantazhuan me dosjet, thotë gazetari

Gazetari Nebil Çika tha në një intervistë për Euronews Albania se dy presidentë të republikës u shantazhuan me dosjet. Sipas tij janë detyruar të tërhiqen pikërisht prej shantazhit.

Çika tha se ka persona të cilët marrin vendime të rëndësishme mbi jetët tona bazuar mbi shantazhin që ju bëhet prej dosjeve të ish-sigurimit.

“E para është hapja, nëse hapet dosja dhe e di gjithë opinioni nuk ka kush bën më presion me dosjen sepse e dinë të gjithë. Pra, çlirohet kjo pjesë”, tha gazetari.

Ai u shpreh se hapja e dosjeve është e domosdoshme sepse bëhet fjalë për të vërtetën, pavarësisht se sa e dhimbshme mund të jetë ajo.

Shqipëria ka një problem të madh historik me të vërtetën, tha Çika i cili sqaroi se kriminelët e komunizmit mund të jenë sot model për shoqërinë.

LEXONI GJITHASHTU:

• Dosjet e ish-sigurimit, deputeti: Autoriteti do bëjë transparencë, e mbështesim