Kamerat e sigurisë zbuluan autorin e dyshuar për vrasjen e 19-vjeçarit në Shkodër

Kamerat e sigurisë ndihmuan “Blutë” e Shkodrës në identifikimin e Bajram Çekores si autorin e dyshuar për vrasjen e 19-vjeçarit, Erjon Xhenje.

Është ky detaji i fundit i raportuar nga gazetari i “Euronews Albania”, Teodor Gjerga.

Ka qenë edhe ekspertiza e mjeko-ligjore, që ka ndihmuar policinë për të pasur emrin e 24-vjeçarit si të dyshuarin kryesor.

Ndërkohë, mësohet se në funeralin e Ismet Çekores, babait të Bajram Çekores, ka marrë pjesë edhe babai i 19-vjeçarit Ejon Xheje, duke mos pasur asnjë lloj dijenie sa i takon përfshirjes së të birit apo personave të tjerë për vdekjen e tij.

Erjon Xhenje u ekzekutua mbrëmjen e së dielës teksa ndodhej në brendësi të një lokali në lagjen “Kiras”.

Gjatë komunikimit të shkurtër me efektivë të policisë, i ati i viktimës tha se i biri nuk ka pasur konflikte, por se mund t’i ndodhte diçka prej kushërinjve të tij.

Ndërsa, Bajram Çekorja është në kërkim për atentatin ndaj Alban Bruçit.

Pak ditë para se të ekzekutohej, Ismet Çekorja dha një intervistë për “Euronews Albania”, ku mohoi faktin se djali i tij është i përfshirë në ngjarjen për të cilën akuzohet.

LEXONI GJITHASHTU

• Vrasja e 19-vjeçarit në Shkodër, kush është personi për të cilin dyshon policia
• U ekzekutua me 5 plumba pranë banesës, detaje nga atentati ndaj të riut në Shkodër
• Shërbente te ferma e Asmer Bilalit, përplasja e bandave solli vrasjen e 19-vjeçarit