Korçarët vigjilentë për datat e skadencës, kritikojnë institucionet për neglizhencë

Pak ditë pas alarmit të dhënë nga AKU se salçiçet ‘Wudy’ përmbajnë një bakter të rrezikshëm për shëndetin e qytetarëve, Euronews Albania pyeti konsumatorët në Korçë sesa vigjilentë janë ata kundrejt datave të skadencës së ushqimeve që konsumojnë.

Shumica e qytetarëve pranojnë që janë ndërgjegjësuar sa i përket kontrollit të datës së skadencës.

“Po t’i kem syzet me vete i shoh, në të shumtën e rasteve i shoh, ka e raste që harroj, po zakonisht i shoh. Ka pasur raste që kam gjetur ushqime të skaduara, orizi, biskotat. I lëmë dhe marrim të tjera,’ – u shpreh një zotëri

“Patjetër i shoh, nuk hamë gjëra koti. Po nuk e kontrollova skam si e ha. Çfarëdo lloj gjeje te marr shoh skadencën, ajo duhet në radhë të parë,’ – tha një qytetar tjetër.

Ka edhe nga ata qytetarë që janë më kritik ndaj institucioneve. Mungesa e besimit i shtyn ata të kalojnë kufirin për t’u furnizuar me ushqime.

“Me thënë të drejtën nuk para blej këtu, iki në Kostur se kam besim me tepër aty sesa këtu. Këtu nuk kam besim se ua fshijnë dhe ndërrojnë datat e skadencës dhe cilësia janë me te mira ato andej,” – u shpreh një zonjë.

Euronews Albania është interesuar pranë drejtuesve të drejtorisë rajonale të AKU-së në juglindje për t’i pyetur se a ka pasur raste të identifikuara me ushqime të skuadra dhe cilat janë masat që merren me pas por drejtori i kësaj drejtorie Kujtim Agolli nuk ka pranuar të prononcohet.

Sipas burimeve të Euronews Albania janë me tepër se 15 raste ku qytetarët kanë gjetur ushqime të skaduara në markete apo supermarkete.

LEXONI GJITHASHTU:

• Akullorja e rrezikshme, AKU: ‘Hagen Dazs’ me këtë datë skadence s’duhet të haet
• Zbulohet bakteri i rrezikshëm te salçiçet ‘Wudy’, 5 zhvillime
• Shqipëria me çmimet më të ulëta të ushqimeve në rajon