Protesta kombëtare në tetor? Përgjigjet deputeti i PD-së Luan Baçi

Deputeti i PD-së, Luan Baçi, është shprehur se autoritetin për të vendosur për datën e protestës kombëtare e ka vetëm Këshilli Kombëtar i kësaj force politike.

Në një intervistë për Euronews Albania, Baçi theksoi se në Këshillin Kombëtar që do të mbahet të hënën, do të ketë vendimmarrje të rëndësishme.

“Në këshillin kombëtar të PD-së do të ketë vendimarrje të rëndësishme të PD-së. Do të diskutohen të gjitha problematikat që janë dhe mënyra se si është zhvilluar organizimi i PD-së, si dhe për aksionin politik të kësaj partie. Autoritetin për të vendosur për datën e protestës e ka vetëm Këshilli Kombëtar i PD-së”- u shpreh deputeti.

Ai theksoi se protesta kombëtare nuk mund të jetë më 1 tetor, për arsye se janë zgjedhjet e forumit rinor.

LEXONI GJITHASHTU:

• Të hënën mblidhet Këshilli Kombëtar i PD-së, çfarë do diskutohet
• “Gledis Nano ishte në fushë të minuar’, Prençi: Varej nga politika
• ‘Do anulojmë koncesionin e check-up’, Berisha akuza Ramës dhe Vilma Nushit