Mbyllja e kolegjit turk, Mehmeti: Qeveria të tërhiqet, do paguajmë si te Becchetti

Eksperti i arsimit Ndriçim Mehmeti, uron që qeveria dhe Ministria e Arsimit të reflektojnë në lidhje me mbylljen e kolegjit turk  “Mehmet Akif”, pasi sipas tij kanë hapur një betejë që do të shkojë deri në gjykatën e Strasburgut.

Në një intervistë për Euronews Albania, Mehmeti theksoi se nëse qeveria nuk do reflektojë për këtë rast do të përballet me një borxh shumë të madh, si në rastin e “Becchetti”.

“Shpresoj që të ketë reflektim, përndryshe qeveria  dhe ministria e arsimit nuk e dinë se me kë kanë të bëjnë. Kanë hapur një betejë që do të shkojë në Strasburg. Fondacioni që drejton këtë shkollë e ka qendrën në një shtet të BE. Është një shtet që ka një zë goxha të mëdha në BE.

Ne do të paguajmë dy haraçe të mëdha, e para që do të na ikë një shkollë elitë dhe e dyt, do të paguajmë dhe si në rastin ‘Becchetti’. Qeveria bën mirë të tërhiqet.”- tha ndër të tjera ai.

LEXONI GJITHASHTU: 

• Mbyllja e kolegjit turk, Mehmeti: Hakmarrje e pastër ndaj arsimit cilësor
• Mbyllja e kolegjit turk, juristi: Arsyet që dha qeveria nuk janë të besueshme