Reshje shiu gjatë javës, zonat ku pritet të ketë përmbytje

Sot vendi ynë është zgjuar nën mbizotërimin e vranësirave, të cilat do të sjellin reshje në zonat veriore dhe pas mesditës do të ketë shi edhe në zonat qendrore.

Meteorologu Hakil Osmani parashikoi se gjatë orëve të vona të natës pritet të ketë reshje shumë të dendura shiu, të cilat do të vijojnë dhe gjatë të martës.

Të martën, reshjet pritet të jenë me intersitet të lartë në qarqet Kukës, Lezhë, Bajram Curri, Shkodër, ku pritet të ketë edhe përmbytje.

Përmbytje të përkohshme pritet të ketë në Durrës, Tiranë dhe Vlorë.

Duke filluar nga mërkura do ketë përmirësim të kushteve të motit, ku edhe reshjet do të jenë në sasi të pakta.

Nga e mërkura pritet të ketë edhe rritje të temperaturave,  të cilat deri në fundjavë do të arrijnë deri në 28 gradë.

LEXONI GJITHASHTU:

• Albin Kurti rizgjidhet në krye të Lëvizjes Vetëvendosje
• E “tradhtoi” tatuazhi, kapet në Kolumbi shqiptari i kërkuar nga Interpoli
• “Homeland Justice” publikon pamjet e kamerave të sigurisë në komisariate e dogana