‘300 euro dita për leje’, Macaj: Gardianët në Fier kanë bërë pazare me të burgosuri

Valentin Mjacaj, kreu Sindikatës së Shërbimeve Policore thotë se situata e korrupsionit dhe abuzimit me detyrën në sistemin e burgjeve në vend është alarmante.

Në një intervistë për Euronews Albania ai tha se arrestimet e në burgun e Fierit tregojnë se korrupsioni është endemik në sistemin shqiptare të burgjeve.

“Punonjësit kanë diskriminuar të burgosurit duke kryer pazare me të ashtuquajturit të burgosur VIP, që siç tha kanë shërbëtorë brenda burgjeve”, tha Mjacaj.

Euronews Albania siguroi dosjen hetimore me paligjshmëritë në burgun e Fierit, për të cilët Gjykata e Tiranës caktoi dje masën “arrest shtëpie” për 18 punonjës e ish-punonjës.

Në dosjen hetimore nënvizohet se punonjësve dhe ish-punonjësve të këtij burgu, 28 të dënuarve u kanë dhënë ditë pune në mënyrë fiktive.

Ndërkohë, në shkelje të ligjit, një të dënuari i është dhënë amnisti pas asnjë dokument referues.

Sakaq, janë konstatuar 19 shkelje për ulje të dënimit pa fakte apo rrethana.

LEXONI GJITHASHTU:

• ‘Furtunë’ në burgun e Fierit, 18 punonjës nën akuzë për shpërdorim detyre
• Ulje dënimi dhe amnisti, zbardhet dosja hetimore për punonjësit e burgut të Fierit