Rama: Policia nuk i ka provat e nevojshme për Ervis Martinajn

Kryeministri Edi Rama, thotë se Policia e Shtetit ende nuk i ka provat e nevojshme, për të dalë në një komunikim zyrtar në lidhje me zhdukjen e të shumëkërkuarit, Ervis Martinaj.

Në një deklaratë për mediat, Rama u shpreh se sapo të sigurohen provat, policia do të dalë me një komunikim për publikun.

“Nuk e di çfarë keni parasysh me të tjera, por di t’ju them që në momentin e parë që policia do ketë provat e nevojshme, do të ketë komunikimin. Për sa kohë nuk ka komunikimin, do të thotë se nuk i ka provat e nevojshme”, theksoi ai.

Më herët, Rama ka deklaruar se shumë shpejt do kemi një përgjigje për fatin e tij, ndërsa kreu i Partisë Demokratike, Sali Berisha tha se Rama e di ku ndodhet mbreti i lojërave të fatit dhe akuzoi prokurorinë se nuk po vepron.

Prej më shumë se 40 ditësh, mbreti i lojërave të fatit, Vis Martinaj është zhdukur. Zhdukja e tij ka vënë në lëvizje jo vetëm institucionet e drejtësisë, por edhe politikën.

LEXONI GJITHASHTU

• ‘Flasim kur kemi prova’, çfarë tha ministri Çuçi për Ervis Martinajn
• Zhdukja e Ervis Martinajt, Rrumbullaku: Do flasim me fakte dhe prova
• Zhdukja e Ervis Martinajt/ Rama: Duroni, përgjigjen do e keni shumë shpejt