Tabaku për amnistinë fiskale: I hap rrugë kapitalit kriminal dhe korruptiv

Deputetja e Partisë Demokratike, Jorida Tabaku deklaroi pas takimit që pati me disa ambasadorë në ambientet e Kryesisë së Kuvendit për amnistinë fiskale, se ky projektligj i hap rrugë kapitalit kriminal dhe korruptiv.

Sipas saj, nuk ka asnjë emigrant, i cili është larguar nga Shqipëria këto 30 vite dhe ka 2 milionë euro të padeklaruara.

“Ditët e fundit kemi pasur komunikime me përfaqësues të ndryshëm, si trupa diplomatike këtu në Shqipëri, njëkohësisht me të dërguar specialë, të cilët kanë ardhur për raportimet e tyre periodike dhe shqetësimet kryesore kanë qenë për amnistinë fiskale. Në emër të Partisë Demokratike e kam kundërshtuar amnistinë fiskale.

E kam kundërshtuar, si një iniciativë, e cila nuk shkon në të njëjtën linje me shtetin ligjor, por nga ana tjetër cënon punën e bizneseve të ndershme. Ligji i amnistisë fiskale do t’i hapë rrugë kapitalit kriminal dhe korruptiv, që në 8 vitet e fundit në Shqipëri, ka qenë në rritje. Nuk besoj se ka emigrantë që është larguar në 30 vitet e fundit dhe ka dy milionë euro të padeklaruara”, theksoi ajo.

LEXONI GJITHASHTU

• Takimi me ambasadorët, Ibrahimaj: Do vijojmë konsultimet për amnistinë fiskale
• Amnistia fiskale, Ibrahimaj: Ka një listë të gjatë të individëve që nuk përfitojnë
• Amnistia fiskale, BE për Euronews Albania: Të shqetësuar për draftin aktual