Rama për kryebashkiakun e Himarës: Sot shembull suksesi, u zgjua nga gjumi
Kryeministri Edi Rama ka përmendur qytetin e Himarës si histori suksesi, sa i takon menaxhimit të mbetjeve.
Gjatë fjalës së tij në Forumin e Menaxhimit të Integruar të Mbetjeve dhe Ekonomisë Qarkulluese, Rama ironizoi kryebashkiakun e Himarës, Jorgo Goro, që nuk ishte i pranishëm, për të cilin tha se u zgjua befasisht nga gjumi.
“Dua të përmend Himarën, nuk e shoh kryetarin e bashkisë së Himarës, ka rëndësi se dua ta përmend si histori suksesi dhe nuk do të çuditesha fare të mos ishte këtu, sepse ka qenë gjithmonë prezent kur ka ngrënë dru publikisht, por shembulli i Himarës është një shembull i jashtëzakonshëm.
I një zgjimi të befasishëm nga gjumi i kryetarit të bashkisë dhe i një pune që është pasqyrë për t’u marrë shembull nga të gjithë tanimë, i cili tregon se sa e rëndësishme është kjo marrëdhënie dhe që secili të bëjë punën e vet”, theksoi ai.
I pranishëm në forum ishte edhe ambasadori gjerman në Tiranë, Peter Zingraf, i cili nënvizoi se menaxhimi i mbetjeve është një strategji kombëtare e detyrueshme për të ndjekur rrugën e futjes së Shqipërisë në BE.
Sipas Zingrafit, menaxhimi i mbetjeve është përmirësuar gjatë viteve të fundit, por nuk është mbuluar tërësisht riciklimi i mbetjeve që do të reduktojë kostot.
LEXONI GJITHASHTU
Lamallari për ngjarjen në Maliq: Do të bëhet vlerësim i plotë dhe do të merren masat e duhura
Zvërneci përplas PS-PD në Kuvend, Bido: Ku ishit më 30 maj, pse nuk folët?! Balliu: Ju folët vetëm pse doli videoja
Strazimiri përplaset me Lëvizjen Bashkë për protestën: 70% e qytetarëve ishin demokratë
- 12:37 Vuçiç konfirmon se do të shkojë në Mal të Zi për samitin BE-Ballkani Perëndimor
- 12:13 Lamallari për ngjarjen në Maliq: Do të bëhet vlerësim i plotë dhe do të merren masat e duhura
- 12:12 SPAK shpall pretencën për një fraksion të dosjes “Revanshi”, kërkon 98 vjet burg për 7 të pandehur
- 12:10 Autobusi i linjës Durrës-Spitall përfshihet nga flakët në lëvizje
- 12:05 Zvërneci përplas PS-PD në Kuvend, Bido: Ku ishit më 30 maj, pse nuk folët?! Balliu: Ju folët vetëm pse doli videoja
- 11:55 Strazimiri përplaset me Lëvizjen Bashkë për protestën: 70% e qytetarëve ishin demokratë