Nishanet që kërcënojnë jetë, si mund t’i trajtojmë?

“Sa shumë nishane paske, qenke me fat”.

Një shprehje që e kemi dëgjuar prej vitesh në shoqërinë tonë. Por aq sa me fat mund të jetë dikush, aq dhe mund t’i rrezikohet jeta nga nishanet. Kontrolli i vazhdueshëm i tyre mund të parandalojë një fatkeqësi.

Në emisionin e parë të programit “Enigmat e Hipokratit” trajtohet pikërisht kjo temë, që prek secilin prej nesh, pasi të gjithë ne e kemi të paktën një nishan në trupin tonë.

E ftuar në studio do të jetë mjekja dermatologe, dr. Entela Shkodrani, për të dhënë këshillat e saj si dhe për të treguar nga afër sesi ekzaminohet një nishan në kohë reale.

Trajtimi i nishaneve merr më tepër rëndësi pikërisht tani, pas përfundimit të sezonit veror, pasi nën ekspozimin e rrezeve të nxehta të diellit janë gjendur pikërisht ato, nishanet.

Cilët janë kremrat e duhur që shërbejnë për të mbrojtur nga dielli lëkurën tonë, e sidomos nishanet?

Këshillat e farmacistes Rudina Papa do të jenë pjesë e emisionit. Do të njihemi më gjerë mbi këto kremra, përbërësit e tyre si dhe mënyrat që mund t’i përdorim ato.

Të gjitha këto sot në orën 17:00, në ‘Enigmat e Hipokratit’, në Euronews Albania.

LEXONI GJITHASHTU:

• Senatorja amerikane në Tiranë, takime me Begajn, Ramën dhe përfaqësues të opozitës
• 530 mld dollarë, Banka Botërore miraton pako të re ndihme për Ukrainën