634 mln euro nga biznesi i huaj, Italia shton flukset, tërhiqet Turqia

Fluksi i investimeve nga bizneset e huaja arriti në 634 mln euro në pjesën e parë të vitit. Rritja është 8% në raport me vjet dhe Italia ka marrë kryesimin si investitori kryesor në 2022-shin.

Sipërmarrjet me logo italiane hodhën 75 mln euro, ndjekur nga Holanda me 70 mln euro dhe Gjermania me 59 mln euro.

Nga ana tjetër, Turqia shihet të jetë tërhequr nga biznesi në Shqipëri. Bizneset e këtij shteti investuan 32 mln euro në tremujorin e parë, por tërhoqën 91 mln në tremujorin e dytë.

Kapitali i hedhur në Shqipëri, tregon se investimet e huaja direkte janë përqëndruar në sektorët e naftës dhe energjisë.

Kjo dëshmohet qartë nga fakti se sektori i hidrokarbureve ka dominuar fluksin e investimeve të reja. Ndërkohë, edhe energjetika po shfrytëzohet me investim të zhvendosur nga HEC-et, tek impiantet diellore dhe eolike.

Investimet nga jashtë mbeten një tregues i rëndësishëm për rritjen e ekomomisë sonë ku nga viti i kaluar, vendi ynë filloi të aplikojë detyrimin që kompanitë të deklarojnë origjinën dhe pronarin final të kompanive të regjistruara në regjistrin tonë tregtar.

LEXONI GJITHASHTU

• Mbi 126 mijë biznese në vend, rritje me 8.3% nga viti i kaluar
• Profesori i ekonomisë: Amnistia fiskale do të prishë rregullat e lojës për bizneset
• Si funksionon sistemi i pikëzimit për bizneset ushqimore? Flet drejtoresha e AKU-së