‘Më kërkuan para’, gazetari tregon bisedën me hakerat iranianë pas sulmit kibernetik

Gazetari Fatos Mahmutaj deklaroi se ka komunikuar me hakerat iranianë, pas sulmit kibernetik ndaj sistemeve digjitale dhe qeveritare në muajin korrik.

Në një intervistë për Euronews Albania, Mahmutaj u shpreh se hakerat i kërkuan para, në mënyrë që t’i jepnin materialet me të dhënat sekrete që kishin.

Mahmutaj tha se për këto materiale, ishin rreth 30 persona të cilët kishin shfaqur interes për t’i blerë.

“Në fillim, kur Homeland Justice nisi të publikonte të dhënat e para në muajin korrik, një nga ata të cilët i kontaktoi isha edhe unë. I kontaktova më tepër për kuriozitet, kurioziteti i gazetarit dhe më kërkuan para për të më dhënë materiale.

U thashë që nuk kam para dhe nuk më intereson. Më shkruajtën dhe më thanë që deri më tani kemi rreth 30 të interesuar. U thashë që mos të lodhen se nuk kanë për t’i blerë këto materiale. Shumicia e materialeve, ishin në kalendarin iranian, pra ishin të përpunuara dhe jo origjinale”, theksoi ai.

LEXONI GJITHASHTU

• ‘Hakerat, 1 vit brenda sistemeve’, eksperti Softa: Jemi në luftë të gjatë me Iranin
• ‘Serverat janë në Britani dhe SHBA’, gazetari: Të dhënat nuk janë të MEMEX
• ‘Po hetojmë me Microsoft dhe FBI’, Çuçi: Hakerat s’kanë publikuar sistemin MEMEX