Aktivisti shpjegon çfarë do të thotë për qytetarët minimumi jetik 20 mijë lekë

Ka nisur dje një peticion i cili e ka fokusin që të nxisë qeverinë të marrë në shqyrtim projektligjin e minimumit jetik.

Sipas nismëtarit të këtij projektligji, Arlind Qori, minimumi jetik është premtuar vit pas viti nga një politikan tek tjetri dhe tashmë duhet patjetër që të merren në konsideratë qytetarët dhe firmat e tyre.

Aktivistët presin që të mbledhin rreth 20.000 firma, në mënyrë që peticioni i tyre të mund të ketë ndikim tek vendimet e qeverisë. Përmes njohjes me ligj të minimumit jetik do të përfitonin mijëra qytetarë, duke qenë se ka në fokus pensionet, pagën minimale, ndihmën ekonomike, asistencën etj.

Në emisionin “Goodmorning Albanians”, Qori tha se propozimi për minimumin jetik duhet të bazohet tek metoda dhe jo te shifra, duke qenë se çmimet lëvizin nga muaji në muaj.

Ai shpjegoi se vendosja e një minimumi jetik është shumë e rëndësishme, pasi mbi bazën e kësaj shifre llogaritet ndihma ekonomike, pensioni dhe paga minimale.

LEXONI GJITHASHTU:

• Qori: Ndodhemi në krizë të thellë për shkak të keqqeverisjes
• Arlind Qori: Në vend që të kuptojë shkaqet e revoltës, qeveria thotë t’i trajtojmë me psikologë