Situata në doganën e Kapshticës paraqitet më qetë se në Kakavijë

Ndryshe nga pika kufitare e Kakavijës ku radha kilometrike e mjeteve dhe emigrantëve vijon të jetë prezente, situata raportohet pak më ndryshe në Kapshticë.

Korrespondenti i Euronews Albania, Xhensil Shkëmbi, raporton nga Kapshtica mbi fluksin dhe situatën aktuale në këtë pikë, ku shumë qytetarë presin të udhëtojnë nga Shqipëria drejt Greqisë.

Gazetari raporton se ka shumë shtetas, të cilët kanë qenë më parë në Kakavijë, por për shkak të fluksit të tejmbushur atje, kanë zgjedhur të rikthehen sërish në Kapshticë, më qëllim kalimin drejt tokës greke.

Pala shqiptare në këtë pikë po punon me 7 sportele, ndërsa ajo greke me katër të tilla. Udhëtaret shprehen për mediat se nuk kanë pasur ndihma ushqimore, por gjithsesi vlerësojnë punën që po kryhet, pavarësisht kaosit të krijuar.

[instagram_feed=p/CD6kIb9Inn-]