Rrugëtimi i Shqipërisë në ‘Euro 2024’, përballja e parë me Poloninë

Kur duhen edhe 5 muaj nga nisja e përballjeve për kualifikueset e evropianit të 2024-ës, Shqipëria është njohur dhe me kalendarin.

Në ndeshjen e parë, kuqezinjtë i pret Polonia, e cila konsiderohet si kundërshtari më i fortë i grupit. Ndeshja luhet më 27 mars 2023. 3 muaj më pas kuqezinjtë do të presin në shtëpi Moldavinë, ndër skuadrat më pak të rrezikshme.

Të gjitha sfidat luhen në harkun kohor të 9 muajve, ku ndeshjet të cilat duan një kujdes maksimal janë ato ndaj Polonisë dhe Çekisë, të cilët në renditjen e FIFA-s janë konkretisht në vendet e 26 dhe 35.

Në anën tjetër, Kosova e nis rrugëtimin e saj përballë Izraelit, më pas pret Andorrën dhe Rumaninë, teksa pjesë e grupit është dhe Zvicra. Shorti është treguar I padrejtë me Maqedoninë e Veriut, e cila do të përballet me skuadra të nivelit të lartë si Anglia e Italia. Këta të fundit i mposhti në mënyrë spektakolare dhe diçka të tillë do të provojë në grupe. Pjesë e grupit C janë dhe Ukraina e Malta.

Shorti u hodh mesditën e së dielës në Frankfurt, ndërsa kujtojmë se Gjermania është kualifikuar si vend pritës, ndërsa Rusia e skualifikuar.

LEXONI GJITHASHTU:

• Edoardo Reja për shortin e “EURO 2024”: Do të luftojmë për vendin e dytë
• Shorti për kualifikueset e “EURO 2024”, Shqipëria në grup me Poloninë e Çekinë