Plagosje me armë zjarri në Pogradec, autori i ikën policisë

Një plagosje me armë zjarri është shënuar në orët e para të mëngjesit të sotëm në Pogradec.

Burime nga policia lokale bëjnë me dije se është identifikuar autori i ngjarjes i cili është shpallur në kërkim.

Sipas policisë, rreth orës 02:00 të mëngjesit të sotëm, në një lokal në fshatin Bishnicë, pas një konflikti të çastit shtetasi A. Ç., rreth 35 vjeç, dyshohet se ka plagosur me armë zjarri tip automatik shtetasin B. Sh., i cili aktualisht ndodhet në Spitalin e Pogradecit, jashtë rrezikut për jetën.

Autori i dyshuar është larguar me shpejtësi nga vendngjarja, ndërkohë arma e zjarrit është gjetur dhe sekuestruar në cilësinë e provës materiale. Policia po punon për kapjen dhe arrestimin e autorit të ngjarjes.