Sekuestrohen arsenal armësh, municion dhe drogë, 2 të arrestuar në Belsh

Dy persona janë arrestuar në Belsh në kuadër të operacionit policor të koduar “Dëshiran”.

Në pranga u vunë 54-vjeçarët, Aqif Bezati dhe Veli Deliu, të dy banues në fshatin Dëshiran.

Gjatë kontrollit në banesën e shtetasit A. B. janë gjetur dhe sekuestruar: një armë zjarri kallashnikov, një pistoletë, 6 granata dore, 3280 fishekë pistolete dhe kallashnikovi, 5 krehra fishekësh, 3.6 kilogramë kanabis dhe 75 bimë të thata të dyshuara opium.

Gjithashtu, janë gjetur dhe sekuestruar edhe 3.760.000 lekë të rinj, 5000 paund dhe 8950 euro, të cilat dyshohet se i ka përfituar nga veprimtaria kriminale në fushën e narkotikëve dhe të trafikimit të armëve.

Kontroll është ushtruar edhe banesën e shtetasit V. D., i cili ka lidhje shoqërore me shtetasin A. B. Në këtë banesë janë gjetur dhe sekuestruar një armë gjahu dhe 55 fishekë armë gjahu, të cilat shtetasi V. D. i mbante pa leje.

Nga hetimet e kryera ka rezultuar se shtetasi A. B. ushtronte veprimtari kriminale në fushën e kultvimit, prodhimit dhe shitjes së lëndëve narkotike.

Operacioni u finalizua nga strukturat hetimore dhe Forca e Posaçme “Shqiponjat” të DVP Elbasan, në bashkëpunim me Prokurorinë pranë Gjykatës së Rrethit Gyqësor Elbasan.

LEXONI GJITHASHTU

• Përfitonte shuma parash nëpërmjet mashtrimit, arrestohet ‘dietologia’ në Tiranë
• Masakra me 3 viktima në Klos, vëllai i autorit: Mes familjeve mund të lind hasmëria