Pedagogu: Studentëve t’u kthehen tarifat në shërbime, s’ka cilësi pa investim

Dy ditë para se të nisë viti akademik, pedagogët po zhvillojnë një protestë për rritjen e pagave.

Ata thonë se pagat e tyre janë më të ulëtat në rajon dhe se qeveria e ka shkurtuar buxhetin, edhe pse ka këtë nivel page.

Ndërkohë, Aleksandër Kovaçi bëri thirrje që tarifat e studentëve duhet të kthehen në shërbime.

“Tarifat e studentëve t’u kthehen studentëve në shërbime. Në këtë prizëm, unë dhe disa pedagogë të tjerë mirëkuptojmë mospjesëmarrjen e pedagogëve të tjerë për shkak të angazhimeve apo presioneve që kanë marrë”- deklaroi pedagogu.

Sipas tij, protesta e tyre nuk është vetëm për pedagogët por edhe për studentët.

“Kjo lëvizje nuk është vetëm për ne por edhe për studentët. Dua që puna jonë të reflektojë te studentët, te diploma e studentit. Po u financua mirë universiteti, diploma do të jetë serioze; po nuk u financua, janë përralla me mbret se do të kemi cilësi pa investim”- theksoi ai.

LEXONI GJITHASHTU: 

• Eksperti: Politika e taksave të ulëta ka ‘skaduar’, jo konkurruese për ekonominë
• Premto Gogo: Në zgjedhjet e ardhshme nuk do të ketë lista të hapura