Hiqen inspektoratet e ministrive, juristi Daci: Qytetari nuk do jetë më i mbrojtur

Juristi Jordan Daci thotë se ligji aktual i inspektimit është 100 për qind i përafruar me standardet evropiane dhe më cilësori që ka pasur Shqipëria.

Në një intervistë për Euronews Albania, juristi u shpreh se kjo që po ndodh me heqjen e inspektorateve zhbën një reformë që është shumë  e suksesshme dhe e privon qytetarin nga mbrojtja.

Sipas tij, ligji aktual është më i miri i mundshëm, që kalon çdo lloj testi dhe për të cilin është shpenzuar konsiderueshëm nga Banka Botërore.

“Në 2012 u përballëm me pafund trupa inspektuese të cilat nuk dinin se ku kishin qendrën. Në atë kohë u ndoq parimi që çdo ministri duhet të kishte 1 inspektorat, shkuan në 12 ministri. Secila fushë ka karakteristika të veçanta, ndaj është e pamundur të unifikohen. Ligji aktual është më i miri i mundshëm kalon çdo lloj testi. Kjo që po ndodh me heqjen e inspektorateve zhbën një reformë që është shumë  e suksesshme, do sjellë nevoja për ndryshime të tjera që do rrënojë gjithë sistemin paralel. Qytetari nuk do të jetë më i mbrojtur nga inspektimi”, tha juristi.

LEXONI GJITHASHTU:

• Ministritë ‘zgjidhin’ qeset; s’ka mësim me turne, investime edhe Shëndetësia
• Rama: Procesi i tenderimit nuk do kryhet më nga administrata dhe ministritë