Sot seanca e radhës në Gjykatën e Apelit për çështjen “Babale”

Ditën e sotme pritet të zhvillohet seanca e radhës në Gjykatën e Apelit ndaj deputetit të Partisë Demokratike Ervin Salianji dhe gazetarit Jetmir Olldashit për çështjen “Babale”.

Salianji ndodhet në ambientet e kësaj gjykate, i shoqëruar edhe nga deputetë të tjerë të PD-së.

Deputeti Ervin Salianji u dënua në dhjetor 2019 me një vit burg nga Gjykata e Tiranës për dosjen e njohur “Babale” me akuzën e “kallëzimit të rremë”.

Sipas gjykatës, ai ka krijuar prova me qëllim implikimin e vëllait të ish-ministrit të brendshëm Fatmir Xhafaj, në një çështje trafiku droge në Vlorë.

Gjykata e Shkallës së Parë dënoi me 1 vit burg ish-deputetin e PD-së Ervin Salianji, në lidhje me çështjen ‘Babalja’. Pavarësisht vendimit për Salianjin, ish-deputeti demokrat nuk do të arrestohet, pasi duhet të ketë vendim të formës se prerë edhe nga Gjykata e Apelit.

LEXONI GJITHASHTU:

• Çështja “Babale”, Basha letër ambasadores së SHBA: Drejtësia ka dështuar
• Çështja “Babale”, zbardhet vendimi i gjykatës për Salianjin: Përgjimi u bë përmes një stilolapsi
• Çështja “Babale”, Prokuroria kërkon 1 vit e 6 muaj burg për Ervin Salianjin