Xhaçka: KE njeh punën që është bërë dhe konfirmon progresin e Shqipërisë

Ministrja Olta Xhaçka në mbledhjen e Këshillit Kombëtar për Integrimin Evropian, është shprehur se raporti i KE njeh punën e madhe që është bërë dhe konfirmon progresin e Shqipërisë.

Në fjalën e saj, ministrja theksoi se raporti i KE nuk është një fletë lavdërimi, por përcakton shinat mbi të cilat do të ecë puna drejt integrimit.

Më tej ajo theksoi se kanë përmbushur standardet ndërkombëtare të mbrojtjes së të drejtave themelore të njeriut.

“Shqipëria ka vazhduar të përmbushë të gjitha kushtet e përcaktuara në Konkluzionet e Këshillit të Marsit 2020. Vendi ka arritur progres të dukshëm në miratimin e acquis të BE-së në vitet e fundit. Funksionimi i gjyqësorit, Shqipëria ka kaluar edhe vendet e rajonit që kanë gati një dekadë që negociojnë. Reforma gjithëpërfshirëse e drejtësisë ka rezultuar në progres të përgjithshëm të mirë. Reforma e administratës publike, Shqipëria rezulton me një nivel të moderuar përgatitjeje.

Të drejtat themelore të njeriut, kemi përmbushur standardet ndërkombëtare të mbrojtjes së tyre. Kriteri ekonomik, vendi ka bërë progres të mirë dhe është mesatarisht i përgatitur për të zhvilluar një ekonomi tregu funksionale. Prokurimet publike, vendi ka bërë përparime duke miratuar legjislacionin zbatues. Rekomandimet e KE do të mbeten në fokus të punës së qeverisë e të administratës. Ecuria jonë në këtë grup kapitujsh, na jep mundësinë të ulemi më shpejt në Konferencën Ndërqeveritare hapëse të këtij grupimi. Në raport Shqipëria vlerësohet si një partnere aktive dhe e besueshme e BE. Jemi vlerësuar për përkushtimin e treguar në krijimin e marrëdhënieve të fqinjësisë së mirë dhe të bashkëpunimit proaktiv rajonal.”- ka theksuar Xhaçka.

LEXONI GJITHASHTU: 

• “Amerigo Vespucci’ në Durrës”, anija që shkolloi shumë breza marinarësh
• Të pakënaqur me Macron, qytetarët francezë protestojnë për kostot e larta të jetesës