RMV në BE brenda 8 viteve, Tanja Fajon shprehet optimiste gjatë vizitës në Shkup

Ministri i jashtëm i Maqedonisë së Veriut, Bujar Osmani bën thirrje për nënshkrimin e një dokumenti nga mazhoranca dhe opozita, në të cilin palët zotohen për agjendën pro BE.

Sipas Osmanit, pavarësisht pozicionimit të secilës parti, agjenda që lidhet me reformat e nevojshme për hyrje në BE nuk duhet të vonohet apo bllokohet siç ndodh tani në Parlament.

Ai bëri thirrje të pranohen direktivat e BE-së, pavarësisht kush është në pushtet.

Ndërsa ministrja e jashtme sllovene Tanja Fajon, e cila po qëndron në Shkup, u shpreh optimiste për një anëtarësim të plotë të Maqedonisë së Veriut brenda 8 votave të ardhshme.

Afati për ndryshimet kushtetuese mbi futjen e pakicës bullgare në Republikën e Maqedonisë së veriut është parakusht për hapjen e kapitujve të negocimit me BE-në, ndërsa tensioni dhe mosmarrëveshjet mes dy popujve vazhdojnë. Maqedonia e Veriut po shqyrton mundësinë për ndryshime ligjore, që do pamundësojnë hapjen e klubeve kulturore bullgare me emra provokues.

LEXONI GJITHASHTU:

• Babaramo ironi me Alimehmetin: Do të ta bëjnë si babait tënd
• “S’është peshk që shkon pas rrjedhës”, Dritan Hila përplaset me Luçiano Boçin
• Ilir Babaramo: Kjo është e vetmja skemë që mund ta çojë PD-në drejt fitores