Ambasadorja Kim, takim 1 orë me gjyqtarë të Gjykatës së Posaçme

Ditën e sotme, ambasadorja amerikane Yuri Kim ka zhvilluar një takim me gjyqtarë të Gjykatës së Posaçme.

Takimi ka zgjatur një orë dhe është zhvilluar në ambientet e SPAK. Nuk dihet ende se çfarë ka diskutuar diplomatja amerikane me gjyqtarët e GJKKO-së.

Ky është takimi i parë zyrtar që ambasadorja ka zhvilluar me gjyqtarët e kësaj strukture.

Pak ditë më parë ambasadorja Kim, nëpërmjet një postimi në rrjetet sociale, u shpreh se  është në dijeni të disa përpjekjeve për të joshur apo frikësuar gjyqtarët dhe prokurorët, në mënyrë që të mos ketë ndëshkime për më të fuqishmit.

Kim nënvizoi se është koha për të thyer modelet e vjetra të korrupsionit dhe ndikimit të paligjshëm në sistemin gjyqësor.

Sipas saj, gjyqtarët dhe prokurorët duhet të kryejnë detyrat e tyre në përputhje me ligjin me integritet.

Ndër të tjera, Kim tha Shqipëria duhet të ecë përpara dhe nënvizoi se SHBA mbështet Reformën në Drejtësi.

LEXONI GJITHASHTU:

• Yuri Kim: Ka përpjekje për të joshur apo frikësuar gjyqtarët dhe prokurorët
• Euronews Albania zbardh disa nga konkluzionet e PS për Reformën Territoriale
• Yuri Kim takon Niko Peleshin: Diskutuam për forcimin e mbrojtjes kibernetike