Ekstradohen drejt Shqipërisë 3 persona në kërkim, mes tyre një mjek (EMRAT)
Ekstradohen drejt Shqipërisë 3 shtetas të kapur në Kosovë, Kroaci dhe Itali.
Policia bën me dije se është ekstraduar nga Kosova drejt Shqipërisë Shpejtim Halimi. Ai ishte shpallur në kërkim ndërkombëtar pasi Gjykata e Rrethit Gjyqësor Tiranë, e ka dënuar në vitin 2021 me 4 vjet burgim për përndjekje.
Ndërkohë është ekstraduar nga Kroacia drejt Shqipërisë Aleksander Nik-Ramaj.
Në vitin 2019 Gjykata e Rrethit Gjyqësor Vlorë e ka dënuar këtë shtetas me 1 vit e 4 muaj burgim pasi plagosi me thikë një person.
Është është ekstraduar nga Italia drejt Shqipërisë edhe shtetasi E. R., 51 vjeç, banues në Durrës. Një vit më parë për 51-vjeçarin GJKKO ka vendosur masën e sigurisë “Arrest në burg”, për veprat penale “Korrupsioni pasiv i personave që ushtrojnë funksione publike” dhe “Moskallëzimi i krimit”.
51-vjeçari gjatë kohës që ushtronte profesionin e mjekut, në spitalin e burgut të Peqinit, dyshohet se i ka kërkuar shumën 2000 euro, të afërmit të një dënuari me 35 vjet burgim, për vrasje, që të përpilonte një raport mjekësor, për dërgimin e të dënuarit në spital, për të kryer një operacion.
Gjithashtu, gjatë kohës së ushtrimit të kësaj detyre, ai dyshohet se ka patur dijeni për një të dënuar që mbante aparat celular në ambientet e burgut, por nuk ka kallëzuar.
LEXONI GJITHASHTU:
Pëllumb Gjoka flet për herë të parë për akuzat në “Metamorfoza”: Po gjykohem mbi thashetheme
Balla-Berishës: Kemi ne antimitig, ne kemi një ditëlindje, projekti i Zvërnecit do të bëhet
Efektivi tek Trauma, niset dhe autori me ambulancë, si paraqitet gjendja e dy të plagosurve
- 11:38 Pëllumb Gjoka flet për herë të parë për akuzat në “Metamorfoza”: Po gjykohem mbi thashetheme
- 11:36 Balla-Berishës: Kemi ne antimitig, ne kemi një ditëlindje, projekti i Zvërnecit do të bëhet
- 11:30 Detaje nga vrasja e efektivit në Maliq, autori gjakftohtë, nuk shfaqi asnjë pendesë pas arrestimit
- 11:22 Efektivi tek Trauma, niset dhe autori me ambulancë, si paraqitet gjendja e dy të plagosurve
- 11:15 Vrasja e efektivit në Maliq, Hita: Ditë e trishtë për Policinë e Shtetit, nuk do doja të isha para jush
- 11:10 Berisha, Ramës: Anulo mitingun e Vlorës