‘I pamundur kërkimi shkencor me këto paga’, pedagogu: 1500 euro për një konferencë

Pedagogu në Universitetin Politeknik të Tiranës, Klodian Dhoska thotë se kërkimi shkencor është thuajse i pamundur për të dhe kolegët e tij, për shkak se nuk përftojnë fonde nga Bordi i Administrimit.

Në në intervistë për Euronews Albania, Dhoska nënvizoi se një pedagogu, i duhet të paktën 1500 euro për të marrë pjesë në një konferencë shkencore.

“Në lidhje me kërkimin shkencor, ka pasur raste kur Bordi i Administrimit kur ka thënë, nuk kemi fonde dhe i takon çdo pedagogu 200-300 euro për të bërë një publikim shkencor. Për të bërë një konferencë, duhet minimumi 1500 euro, që të marrësh pjesë. Ne kemi bërë më shumë se çfarë ka bërë Kosova, me mundësitë tona. Por ata paguhen me mirë, ndërsa ne të kundërtën”, theksoi ai.

Sindikata e pedagogëve ka përshkallëzuar bojkotin, teksa nesër do të zhvillohet një protestë kombëtare.

Pedagogët kërkojnë edhe prezencën e studentëve në këtë protestë, e cila do të zhvillohet para godinës së Korpusit Qendror të Universitetit Politeknik.

LEXONI GJITHASHTU

• Pedagogu: Nuk kemi autonomi, universiteti kontrollohet nga qeveria

• “Kërkesat jo të arsyeshme”, Bozo: Pedagogët të kërkojnë fonde për kërkim shkencor
• Rama u kthehet pedagogëve: Asnjë pakt nuk do të ketë me ju