Hetim për inceneratorët, SPAK vihet në lëvizje pas kallëzimit të Nismës “Thurje”

Dy muaj pas kallëzimit penal të Nismës “Thurje” mbi koncesionet e incenetarorëve, Struktura e Posaçme kundër Korrupsionit dhe Krimit të Organizuar ka nisur hetimet.

Ndonëse nuk ka një njoftim zyrtar, burime pranë SPAK bëjnë me dije se verifikimet po kryen lidhur me procedurat e ndjekura pasi ka dyshime për shkelje të barazisë në tendera.

Në kallëzimin e Nismës “Thurje”, ku veçohej inceneratori i Fierit, i kërkohej SPAK të hetonte edhe për falsifikim dhe evazion fiskal ndërsa mësohet se Prokuroria Posaçme i ka nisur shkresa disa institucioneve, përfshirë Kontrollin e Lartë të Shtetit.

Krahas zyrtarëve publikë, Nisma “Thurje” në kallëzim akuzonte edhe persona të tjerë lidhur më koncesionet e inceneratorëve edhe në Tiranë dhe Elbasan.