PD kundër skenarëve të Ministrisë së Arsimit, Grida Duma: Nuk mund të nisim vitin shkollor me 3 alternativa

Partia Demokratike është shfaqur kundër 3 skenarëve të publikuar nga ministria e Arsimit për nisjen e vitit të ri shkollor.

Nga gjimnazi “Sami Frashëri”, ish-deputetja Grida Duma ka deklaruar se shkollat nuk duhet të nisin si një eksperiment që mund të rrezikojnë sërish mbylljen.

 “Nuk mund të nisim një vit shkollor i cili ka tri alternativa, me tre skenarë sikur janë seriale dhe këto skenarë i lihen në përgjegjësi shkollave pa asnjë buxhet financiar ndihmës”, u shpreh ish-deputetja e PD.

Përkrah, ish-deputetes u shfaqën edhe disa nxënës të gjimnazit i cili u shemb pak muaj më parë për shkak të dëmtimeve që pësoi nga tërmeti i 26 nëntorit.

“Shtatori po vjen, shkolla po afrohet dhe nuk e di çfarë shkolle do të jem. Do të jem paradite apo pasdite, nuk e kam idenë”, u shpreh një nxënës.

I pyetur nga deputetja se si i shte dukur mësimi online, nxënësi iu pëgjigj se ishte thjesht kaos

Për Grida Dumën, janë rreth 8500 nxënës në Tiranë, të cilët ende nuk dinë se ku do të studiojnë dhe në cilat kushtet.