Lapaj: Gjyqtarët t’i thyejnë turinjtë politikës, ja privilegjet e majme që marrin

Avokati Adriatik Lapaj, është shprehur se askush nuk mund të kërcënojë gjyqtarët dhe prokurorët, pasi këto të fundit mbrohen me ligj.

I ftuar në emisionin “Now” në Euronews Albania, Lapaj tha se gjyqtarët duhet t’i ‘thyejnë turinjët’ politikës, pasi ata janë më të fuqishëm se këto të fundit.

Më tej ai tregoi dhe privilegjet që kanë gjyqtarët por dhe familjarët e tyre.

“E dini sa i fuqishëm është një gjyqtar i Shkallës së Parë përballë politikës në këtë vend nëse nuk pranon të ndikohet. Nuk ka perëndi në politikë që t’i kërcënojë vendin e punës se e mbron ligji. E dini ju çfarë favoresh kanë gjyqtarët dhe prokurorët e kësaj republike?

Rroga të mira, mund të mjekohen në spitalet më të mira të botës, fëmijët e tyre mund të marrin bursa, mund të marrin kredi me interes zero, kanë të drejtë të mbrohen nga policia apo garda. Çfarë i mungon sot një gjyqtari të kësaj republike që t’i thyejë turinjtë çdo politikani që ndërhyn. Sigurisht që i ka kapur shteti sepse këta kanë pranuar që të kapen.“- theksoi Lapaj.

LEXONI GJITHASHTU: 

• Lorenc Vangjeli: Arsyet pse Edi Rama është njeriu më i trembur nga reforma
• Berisha: Nesër të gjithë në shesh, protestë e madhe për mbrojtjen e Teatrit
• Berisha: Nesër të gjithë në shesh, protestë e madhe për mbrojtjen e Teatrit