Uragani “Laura” në SHBA, dëme shkatërruese në Luiziana

Uragani Laura filloi mëngjesin e ditës së enjte në Jugperëndim të Luizianës si një prej stuhive më të fuqishme që ka goditur shtetin Amerikan. 

Një fabrikë kimike ka marrë flakë pasi është goditur nga uragani, në shtetin e Luizianës, duke shkaktuar dëme të konsiderueshme por fatmirësisht jo në njerëz.

Sinoptikanët kanë paralajmëruar se uragani mund të sillte lëvizje të mëdha uji, rreth 40 milje (65 km) nga deti drejt tokës.

Shërbimi kombëtar i motit tha se nëse stuhia do të ishte më e lartë se shtëpitë dykatëshe do të ishte e papërballueshme.

Qendra kombëtare e Uraganeve tha se “Laura” arriti në brigjet e Luizianës rreth orës 1 të mëngjesit, si stuhi e kategorisë 4, e dyta më e fortë në 5 shkallët kategorizuese, me një shpejtësi ere prej 240 km në orë.

Në 4 të mëngjesit uli shpejtësinë duke kaluar në shkallën 3  me qendër rreth  50 kilometra në veriperëndim të liqenit Charles.

Zona që preket drejtpërdrejt nga Uragani është e banuar nga rreth 4 milion banorë, por zyrtarët thanë se shumë prej tyre janë evakuuar në zona më të sigurta.

Rreth 620,000 njerëz janë urdhëruar të evakuojnë shtëpitë e tyre në Luiziana dhe Teksas.