Rama reagon ndaj Shehajt: Ballist i foltores që nuk njeh ligjin

Kryeministri Edi Rama ka reaguar sërish ndaj deputetit të PD-së, Agron Shehaj ku ka deklaruar se është ballist i foltores që nuk njeh ligjin.

Sipas Ramës, Shehaj ka shkelur lejen e ndërtimit, duke tejkaluar edhe 10%-shin e tolerancës ligjore.

“Ballisti i foltores paska nxjerrë një kontratë qeraje duke treguar një leje ndërtimi, po nuk e njeh ligjin sepse në parlament flet për biznesin e tij, që nuk duhet ta fuste në një ndërtim të paligjshëm dhe duhet ta dinte që nuk bëhet biznes në një pallat që s’ka leje shfrytëzimi!

Sa për lejen e ndërtimit ajo është shkelur, pra është bërë nul nga vetë ndërtuesi,që duke tejkaluar edhe 10%-shin e tolerancës ligjore e ka bërë ndërtimin objekt të sekuestrimit sipas ligjit! Po s’ke ç’i bën, nga fshehjet në kotece tek futjet në pallate pa leje, zakon ballistash!”, shkruan Rama në një postim në Twitter.

Shehaj deklaroi të enjten, se policia ka mbyllur biznesin e tij dhe ka sekuestruar ambientet në të cilat operonte, pa asnjë leje apo urdhër nga Prokuroria.

Gjatë fjalës së tij në seancën plenare në Kuvend, Shehaj u shpreh se forcat e policisë kanë nxjerrë jashtë punonjësit, duke i terrorizuar, pa asnjë mandat ligjor.

Menjëherë iu përgjigj Rama, i cili nënvizoi se ndërtesa të cilën ushtronte aktivitetin biznesi i Shehajt, është është bllokuar si e paligjshme nga IKMT dhe në bazë të ligjit sapo ka dalë edhe vendimi i konfiskimit.

LEXONI GJITHASHTU:

• Agron Shehaj e denoncoi për mbylljen e biznesit, reagon kryeministri Rama
• Berisha: Rama vërsulet si bandit kundër Shehajt, i mbyll biznesin pa asnjë provë
• ‘Hakmarrje e Ramës’, denoncimi i deputetit Shehaj: Policia më mbylli biznesin