Ilir Meta reagon për hapjen e dosjeve

Kreu i Partisë së Lirisë, Ilir Meta ka reaguar sërish lidhur me ligjin e dosjeve, duke u shprehur se nuk do ta ndalë asgjë në misionin e tij për të rivendosur pluralizmin politik.

Përmes një postimi në Facebook, Meta thekson se Inkriminimi i Autoritetit të manipulimit të dosjeve Rama-Basha me falsifikime dhe manipulime të opinionit publik do të marrë përgjigjen e duhur dhe ndëshkimin ligjor.

“Të gjithë rilindasit mavi dhe blu të “mprehin” brisqet për të lidhur emrin e Ilir Metës me Sigurimin e shtetit. Inkriminimi i Autoritetit të manipulimit të dosjeve Rama-Basha me falsifikime dhe manipulime të opinionit publik do të marrë përgjigjen e duhur dhe ndëshkimin ligjor. Asgjë nuk e ndal Ilir Metën në misionin e tij për të rivendosur pluralizmin politik. Çështjen e I.M e ka sqaruar vetë personi i përndjekur nga Sigurimi i Shtetit. Turp për të gjithë ata faqezinj që bëjnë si opozitarë dhe janë vetëm korporata të fëlliqura të korruptuar nga Edi Rama”, shkruan Meta mes të tjerash.

LEXONI GJITHASHTU:

• Tufa zbërthen dosjen për të cilën akuzohet Meta: Kush është I.M nga Librazhdi
• Pëllumb Kulla: Nëse Meta ka qenë spiun duhet goditur, s’ka keqardhje