Tetë të vdekur dhe 147 raste të reja me Covid-19 në Kosovë, rritet numri i të shëruarve

Në Kosovë vijon të paraqitet e paqëndrueshme situata me pandeminë e Covid-19. Ministria e Shëndetësisë raporton se në 24 orët e fundit janë regjistruar 147 raste të reja dhe tetë viktima.

Deri tani autoritetet kanë mundur të kryejnë 51 669 teste të dyshuara për Covid-19, ndërsa 13.601 kanë rezultuar pozitivë. Që nga fillimi i pandemisë kanë humbur jetën 533 qytetarë të prekur me Covid, shumica prej të cilëve me sëmundje të tjera shoqëruese.

Gjithashtu, përgjatë harkut të 24 orëve kanë mposhtur virusin 197 pacientë duke e çuar numrin e të shëruarve në 9792.

Rastet pozitive në Kosovë:

Komuna Prishtinë 38 raste, komuna Podujevë 19 raste, komuna Mitrovicë 14 raste, komuna Gjilan 9 raste, komuna Ferizaj 8 raste, komuna Prizren 6 raste, komuna Dragash 5 raste, komuna Fushë Kosovë 5 raste, komuna Pejë 5 raste, komuna Viti 5 raste, komuna Drenas 4 raste, komuna Lipjan 4 raste, komuna Skenderaj 4 raste, komuna Gjakovë 3 raste, komuna Kamenicë 3 raste, komuna Kaçanik 3 raste, komuna Malishevë 3 raste, komuna Vushtrri 3 raste, komuna Shtime 2 raste dhe me nga një rast komunat Hani i Elezit, Obiliq, Rahovec dhe Suharekë.

Ministria e Shëndetësisë dhe autoritetet shtetërore kanë bërë thirrje për kujdes tek qytetarët, të cilëve u kërkohen të zbatojnë me seriozitet masat e distancimit fizik, të vendosin maskë dhe të shmangin grumbullimet në ceremonitë martesore dhe ato mortore.

Pak ditë më parë ka hyrë në fuqi edhe “Ligji për Pandeminë”, i cili parashikon ndëshkime të forta për abuzuesit. Sipas ligjit, cilido qytetar që do konstatohet pa maskë do ndëshkohet me 35 euro gjobë.