Zelensky: Taktikat e rusëve në lindje të Ukrainës, një çmenduri

Presidenti ukrainas, Volodymyr Zelensky ka akuzuar komandantët rusë se po kryejnë “çmenduri” në përpjekjet e tyre për të kapur qytetin lindor të Bakhmut.

Qyteti, i cili ndodhet në rajonin e Donetskut dhe kishte një popullsi prej 70,000 banorësh  para luftës, ka qenë qendra e sulmeve ruse për muaj të tërë, shkruan BBC.

Pavarësisht një përparimi të mundshëm ukrainas në qytetin kyç të Khersonit, Zelensky tha se sulmet vazhduan nga ana e rusëve.

Marrja e qytetit do të ishte një fitore simbolike për Rusinë.

“Këtu është më e dukshme çmenduria e komandës ruse,” tha Zelensky në fjalimin e tij gjatë nga Kievi.

Ditë pas dite, për muaj të tërë, ata po i çojnë njerëzit drejt vdekjes atje, duke përqëndruar nivelin më të lartë të goditjeve të artilerisë”, shtoi ai.

LEXONI GJITHASHTU

• Zelensky: Rusia ka shkatërruar mbi një të tretën e sektorit të energjisë në Ukrainë
• Steinmeier premton mbështetje për Ukrainën, vijojnë sulmet nga Rusia
• Ukraina-refugjatëve: Kalojeni dimrin jashtë shtetit