I propozoi Berishës emrin e tij për Këshillin Bashkiak të Tiranës? Flet Ilir Meta

Kryetari i Partisë së Lirisë, Ilir Meta tha se lajmi që qarkulloi se i ka propozuar kryedemkratit Sali Berisha, emrin e tij për të kandiduar për kryetar të Këshillit të Bashkiak të Tiranës, ka dalë nga qeveria e Edi Ramës.

Gjatë konferencës së përbashkët për shtyp me Berishën, Meta u shpreh se të dyja forcat politike kanë shumë emra të sprovuar dhe të jashtëzakonshëm në mbrojtje të interesit publik.

“Se çfarë del nga korridoret e Fugës, kjo nuk është një përgjegjësi e jona. Por koha e bunker bashkive ka përfunduar njëherë e përgjithmonë. Kanë falimentuar shumica e bashkive, ndërkohë që kishte 100% të pushtetit. Sa i takon emrave që ju keni merak, në çdo rast, siç e tha edhe doktori, nuk do të ketë persona hije, as të qeverisë dhe as të bashkisë.

Do jenë garant të llogaridhënies dhe padiskutim që kemi shumë emra të sprovuar dhe të jashtëzakonshëm në mbrojtje të interesit publik”, theksoi ai.

Mesditën e sotme, Meta dhe Berisha firmosën marrëveshjen për zgjedhjeve vendore të 14 majit të vitit të ardhshëm.

Në dokumentin e siguruar nga Euronews Albania, Meta dhe Berisha dakordësohen në 6 pika, midis të tjera nënvizohet se në zgjedhje do të hyjnë me kandidatë të përbashkët.

Po kështu, Këshillat Bashkiakë, si institucionet më të rëndësishme të përfaqësimit të qytetarëve, do të drejtohen nga përfaqësues të propozuar nga Partia e Lirisë.

LEXONI GJITHASHTU

• Berisha: Marrëveshjet që kam nënshkruar unë sollën fitore, Basha vetëm humbje
• Meta pas firmosjes së marrëveshjes: I shërben demokracisë dhe rendit kushtetues
• Berisha: Veliaj duhet të ishte në burg, jo të kandidonte për Tiranën