Kreu i Listës serbe paralajmëron bllokim të rrugëve në Veri nëse ‘aplikohen’ targat

Nga 1 shtatori, Kosova ka nisur procesin për riregjistrimin e makinave me targa të lëshuara nga Serbia. Pas 31 tetorit, Qeveria e Kosovës ka thënë se makinat me targa serbe nuk do të lejohen që të qarkullojnë në territorin e shtetit.

Kryeministri Kurti ka theksuar se nuk do të ketë shtyrje të afatit duke shtuar frikën se mund të ketë tensione.

Kryetari i Listës Serbe, Goran Rakiç gjatë një takimi me presidentin serb Aleksandër Vuçiç ka paralajmëruar bllokimin e rrugëve në veri të Kosovës, nëse Prishtina ndërmerr ndonjë veprim për konfiskimin e makinave me targa serbe.

Presidenti i Serbisë, Aleksandar Vuçiç pas mbledhjes së Këshillit të Sigurisë Kombëtare tha se serbët në Kosovë nuk do të heqin dorë nga targat (Mitrovicë e Kosovës), duke paralajmëruar për “rezistencë” pas 31 tetorit.

Presidentja e Kosovës, Vjosa Osmani, gjatë konferencës së përbashkët për mediat me presidenten e Komisionit europian Ursula von der Leyen tha se Serbia po kërcënon “me dhunë dhe barrikada”, për shkak se Prishtina po zbaton ligjin.

Von der Leyen theksoi se rregullat duhet të ndiqen dhe se tranzicioni duhet të jetë i qetë.

LEXONI GJITHASHTU:

Vuçiç mbledh sot Këshillin e Sigurisë Kombëtare, do diskutohet për Kosovën

Vuçiç takim online me Ramën dhe Kovaçevskin: Diskutuam për një ‘dimër të sigurt’