Gumeni: Nëse hapen dosjet, rrëzohet pushteti

Daut Gumeni, shkrimtar, ish i përndjekur politik thotë se nuk beson se dosjet do të hapen plotësisht.

Në një intervistë për Euronews Albania, Gumeni u shpreh se që të vijnë ndryshimet duhet të ndryshojnë ata që bëjnë ndryshimet.

“Ata kanë qenë 32 vjet këtu dhe dosjet i kanë përdorur për të mbajtur pushtetin, nga të gjitha palët. Kjo të bën të mos besosh që do hapen. Ligjet i kemi të përkryera se i marrin në Evropë, por i shartojmë se i bëjmë shqiptare. Kemi dy të majta që luftojnë me njëri-tjetrin”, tha Gumeni.

Sipas tij, nëse hapen dosjet rrëzohet pushteti

“Me hapjen e dosjeve rrëzohet pushteti. Me aq sa kam parë si vepron politika, dosjet nuk ngacmohen se bien themelet”, tha Gumeni.

LEXONI GJITHASHTU:

• “32 vite dhe flasim për dosjet”, Qafoku: Dokumentet duheshin publikuar që në ’90
• “Ky ligj nuk i hap dosjet”, Shehu: Lë dokumentet në dorë të anëtarëve të Autoritetit