Debat për territorialen në Parlament, të hënën 4 orë diskutime mes PS dhe PD

Pasditen e së hënës, Parlamenti do të debatojë për 4 orë në një seancë të posaçme për ndarjen administrative të vendit.

Mazhoranca dhe opozita shkojnë në seancë me dy raporte të ndara, ku socialistët kërkojnë që të ruhet ndarja territoriale me 61 bashki e vitit 2014 ndërsa demokratët kërkojnë shtimin e tyre, me 94 bashki.

Kreu i Grupit Parlamentar të Partisë Socialiste, Taulant Balla deklaroi se vendimi përfundimtar do të merret në mbledhjen e grupit socialist paraditen e së hënës.

“Është e vërtetë që kemi komunikim, por në fund secili prej Grupeve Parlamentare do të shprehet dhe do të kemi një komunikim me ju ditën e hënë pas mbledhjes së grupit parlamentar të partisë socialiste për të dhënë dhe vendimin tonë përfundimtar për këtë cështje”.

Burime bëjnë me dije se gjatë kësaj jave dy kryetarët e grupeve parlamentare më të mëdha janë takuar për të gjetur një dakordësi.

Por Euronews Albania ka mësuar se shumica socialiste nuk do të tërhiqet nga raporti i prezantuar më herët për të mos shtuar asnjë bashki, pavarësisht këmbënguljes së demokratëve.

LEXONI GJITHASHTU

• Reforma Territoriale, Balla takim me Alibeajn në Kryesinë e Kuvendit
• Ndarje në 94 bashki, PD dorëzon në Kuvend draftin për Reformën Territoriale
• 33 bashkitë e reja që PD-ja propozon për hartën e re territoriale