Veshje, pije dhe mallra të tjera kontrabandë, 5 të arrestuar në 2 operacione

5 persona janë arrestuar nga policia në dy opeacione të ndryshme për kontrabandë mallrash.

Policia njoftoi se është finalizuar operacioni e koduar “Free road 4”, ku u kap dhe u arrestua në flagrancë duke transportuar me autobus, veshje dhe mallra të tjera të kontrabanduara 41-vjeçari A. S., 41 vjeç, banues në Fier.

Në pranga ranë edhe 3 pronarët e dyqaneve që do të merrnin mallrat e kontrabanduara, për t’i shitur në dyqanet e tyre, shtetasit Y. D., 47 vjeç, I. Q., 46 vjeçe dhe E. D., 30 vjeçe, të tre banues në Fier, administratorë të tre subjekteve tregtare.

Ndërkohë, në kuadër të operacionit policor të koduar “Contraband 3” u bë arrestimi në flagrancë i shtetasit Xh. T., 38 vjeç, banues në Zall Herr. Shërbimet e Policisë, gjatë kontrollit në një ambient në pronësi të këtij shtetasi, në Babrru, kanë gjetur dhe sekuestruar në cilësinë e provës materiale, rreth 320 shishe me pije alkoolike, që dyshohen se janë kontrabanduar në vendin tonë.

LEXONI GJITHASHTU:

• Kamion me mallra kontrabandë në Kapshticë, në pranga doganieri dhe 2 të tjerë
• 70 mijë euro ilaçe kontrabandë në banesë, arrestohet çifti i farmacistëve