Zelensky: Katër milionë ukrainas janë goditur nga ndërprerjet e energjisë elektrike

Presidenti ukrainas, Volodymyr Zelensky thotë se rreth katër milionë njerëz në të gjithë Ukrainën janë goditur nga kufizimet e energjisë elektrike, për shkak të dëmtimit të infrastrukturës të shkaktuar nga fushata e bombardimeve të Rusisë.

Zelensky deklaroi se zonat e prekura përfshijnë Kievin dhe Harkivin, si dhe rajonet përreth dy qyteteve të mëdha, shkruan BBC.

Autoritetet në Kiev thanë se kufizimet do të duhet të rriten në nivele “të paprecedentë”.

Kompania kombëtare ukrainase e energjisë, Ukrenergo, tha në një deklaratë se “ndërprerjet emergjente” prej katër orësh në ditë, ose më shumë, kishin rifilluar në rajonin e Kievit.

Ukraina dhe aleatët e saj kanë thënë se shumë nga sulmet janë kryer nga dronët e furnizuar nga Irani.

LEXONI GJITHASHTU

• Ukraina thirrje Iranit: Mjaft dërguat armë në Rusi
• Dronët kamikazë, ku strehohen ukrainasit?
• Çfarë janë dronët kamikazë? Ukraina akuza Iranit se i ka çuar në Rusi