Ndryshohet ora, akrepat kthehen 60 minuta prapa

Në orën 3 të mëngjesit, të dielën e fundit të tetorit, akrepat u kthyen pas 60 minuta.

Tashme do të flemë 1 orë më shumë. Kthimi i orës pas na mundëson të kemi më shumë dritë në mëngjes, por do të errësohet më shpejt se më parë.

Falë celularëve smartphone, ndërrimi i orës bëhet në mënyrë automatike. Ndërkohë, nuk duhet të harroni të rregulloni orën e murit dhe ato që mbani në duar.

Ndryshimi i orës në Evropë u vendos si ligj evropian në vitin 1981. Zhvendosja e akrepave në Evropën Perëndimore është vendosur në fillim të viteve ‘70 me shpjegimin se me këtë “zgjatet” dita, rritet produktiviteti, përmirësohet aftësimi i njerëzve dhe dita e punës bëhet më efikase.

Në vitin 2018 pati diskutime për mos ndryshimin e orës nga Parlamenti Evropian ku u la në dorën e qeverive të shteteve përkatëse që të vendosin se cilën orë do të mbajnë.

LEXONI GJITHASHTU:

• Të dielën ndryshon ora, akrepat kthehen 60 minuta prapa
• Ndryshon ora, akrepat shkojnë 60 minuta para