Berisha-Bardhit: Nuk kemi para për sondazhe në gjithë vendin

Kreu i Partisë Demokratike, Sali Berisha deklaroi në “Now me Erla Mëhillin” se do i qëndrojnë deri në fund primareve dhe se nuk ka mjaftueshëm para për sondazhe në të gjithë vendin.

“Tek primaret ne nuk lëvizim. Sepse “Primaret” janë ato që sjellin ndryshimin rrënjësor. Duhet të jetë milionere ajo forcë politike që të bëjë polle në gjithë Shqipërinë, sepse nuk kemi para. Në qoftë se përcakton vota, përcakton vota. Minimumi 1 milion euro. Urdhëro, bëjmë polle aty ku mund të bëjmë, por “Primaret” duhet të respektohen,” – deklaroi Berisha.

Në këtë formë, ai iu përgjigj Enkelejd Alibeajt dhe Gazment Bardhit të cilët propozuan për grupin e tij 6 parime për bashkëpunim në zgjedhjet vendore.

Ndër 6 pika është edhe zgjedhja e kandidatëve me “sistem pikëzimi”, që vjen 50% nga votat e anëtarësisë dhe 50% nga opinioni që ka “X” emër te opinioni publik, dalë nga sondazhet.

“Nuk mund të them që një poll është i barasvlefshëm me votën, se përndryshe nuk bëheshin zgjedhje pastaj. Mundet që Edi Paloka të ketë bërë propozimet e tij, por nuk mundet që polli të zëvendësojë votën. Unë jam i bindur që gjendet rruga. Po the unanimitet, e bllokove. Këtu s’ka asgjë kundër tyre në thelb. Por ata mund të dalin edhe si fraksion dhe unë do i respektoj ata,” – u shpreh kryedemokrati.

LEXONI GJITHASHTU:

• Zgjedhjet lokale, emrat e kandidatëve të mundshëm për primaret e PD-së
• Berisha: Skandali i Veliajt me ujërat e zeza që nuk e thotë askush
• Pse nuk përmend oligarkët me emra? Berisha i përgjigjet Gazment Bardhit