Kapen duke transportuar emigrantë, arrestohen 3 persona në Vlorë

Tre persona të cilët transportonin emigrantë të paligjshëm kundrejt fitimit janë arrestuar ditën e sotme në Vlorë.

Policia bën me dije se tre të arrestuarit të identifikuar si R. R., 33 vjeç, P. N., 35 vjeç dhe N. N., 38 vjeç, janë  bashkëpunëtorë me 21-vjeçarin e arrestuar gjatë fazës së parë të këtij operacioni.

Ata janë kapur në flagrancë nga shërbimet e Policisë, duke transportuar me 2 automjete, kundrejt fitimit, 3 emigrantë të paligjshëm.

“Nga veprimet hetimore ka rezultuar se këta shtetas janë bashkëpunëtorë me shtetasin K. Sh., i cili u arrestua në flagrancë më datë 18.03.2022, në fshatin Piqeras, gjatë fazës së parë të operacionit. Këta shtetas dyshohet se siguronin transportin e emigrantëve drejt Shkodrës, me qëllim kalimin në Malin e Zi, me destinacion përfundimtar vendet e BE-së”- njofton policia.

Vijon puna për identifikimin e personave të tjerë të implikuar në këtë veprimtari kriminale.

LEXONI GJITHASHTU: 

• Vrau bashkëfshatarin për pronat, Fatmir Manellarit sot njihet me masën e sigurisë
• Tronditet Kosova, kërcënon Beogradi| Pse u vendos ushtria në Mitrovicë?
• Plagosje me thikë në Durrës